Ekspertë të shëndetit publik, mjek, prodhues dhe politik bërës nga e gjithë Evropa janë mbledhur në samitin e 8 të Reduktimit të Dëmit nga Duhani, të mbajtur në Athinë.
Për dy ditë me rradhë ekspertët diskutuan mbi nevojën urgjente për të ndjekur qasje të reja, të bazuara në evidenca, për të luftuar epideminë globale të duhan pirjes si pasojë e të cilës 7 milion njerëz humbasin jetë çdo vit.I pranishëm në këtë samit, Dr. Stelios Kympouropoulos, deputet i Bashkimit Evropian dhe mjek psikiatër, theksoi se redukimi i dëmit është një detyrë, kur ekzistojnë alternativa të sigurta dhe të rregulluara ndaj duhanit tradicional. Ai vuri në dukje se nevojiten politika njerëzore, proporcionale dhe të bazuara në evidenca për të ndihmuar të rriturit të ulin dëmin.
Studimet kanë faktuar se personat që jetojnë me depresion, ankth apo psikozë kanë shkallë më të lartë të duhanpirjes dhe lënia e tij nuk ndihmon vetëm mushkëritë dhe zemrën por përmirëson humorin, gjumin, energjinë,marrëdhëniet, punën dhe ndjenjën e kontrollit personal.
Eskpertët e shëndetit publik, theksuan se bazuar në të dhëna të fundit,produktet pa tym, si pajisjet e avullimit, kanë rrezik më të ulët se cigaret tradicionale, ndonëse jo zero. Shtete si Suedia, Mbretëria e Bashkuar dheZelanda e Re kanë dëshmuar se konsumimi i duhanit bie më shpejt kur ekzistojnë alternativa të rregulluara.
Për të reduktuar dëmet nga duhani dhe për të ndjekur politika të qëndrueshme në BE, Dr. Kympouropoulos propozon pesë hapa që përfshijnë ndarjen e qartë të produkteve që digjen nga ato pa tym, diferencim taksash për të stimuluar lënien, monitorim të vazhdueshëm, përfshirje të mjekëve nëudhëzime dhe rregulla etike për mbrojtjen e të rinjve.
Ai thekson se avullimi është shumë më pak i dëmshëm për të rriturit që kalojnë nga cigaret, por apelon për rregulla strikte që të parandalohet përdorimin nga të rinjtë.
Ai thekson se avullimi është shumë më pak i dëmshëm për të rriturit që kalojnë nga cigaret, por apelon për rregulla strikte që të parandalohet përdorimin nga të rinjtë.
Eksperti doli në përfundimin se për të përballuar urgjencën për të ulur vdekjet dhe sëmundjet e lidhura me duhanin, duhet të mundësohet një rrugë proporcionale e reduktimit të dëmit duke për afruar shkencën, etikën dhe zbatueshmërinë ndërsa politikat duhet gjithmonë të ndjekin provat./Euronews Albania
