Policia e Kosovës njofton se një person ka raportuar se katër të dyshuar e kanë fturu në veturë me dhunë nën kërcënimin e armës dhe e kanë rrahur.
Lidhur me rastin, në raportin 24 orësh të Policisë, thuhet se tre të dyshuar janë identifikuar dhe të njëjtit janë liruar në procedurë të rregullt.
Sipas Policisë, rasti ka ndodhur në rrugën “Muharrem Fejza” në Prishtinë, më 4 shkurt rreth orës 17:00 dhe është iniciuar si “Privim i kundërligjshëm i lirisë”.
“Ankuesi mashkull kosovar, ka njoftuar se katër persona të panjohur, nën kërcënimin e armës e kishin detyruar me dhunë atë që të hyjë në veturën e tyre duke e sulmuar fizikisht dhe më pas e kishin liruar. Lidhur me rastin janë identifikuar tre të dyshuar meshkuj kosovarë dhe të njëjtit janë shoqëruar në stacionin policor. Pas intervistimit me vendim të prokurorit të dyshuarit janë liruar në procedurë të rregullt”, thuhet në njoftim.
