Barcelona është shumë pranë arritjes së një marrëveshjeje për të sjellë Nico Williams në klub këtë verë nga rivalët e Athletic Bilbaos.
Gjigantët katalanas kanë rindezur interesimin për përfaqësuesin e Spanjës, pas një përpjekjeje të dështuar për ta transferuar nga Bilbao në vitin 2024.
Kjo përpjekje publike për transferim është përsëritur sërish, me tensione që po rriten në krahinën baske, për shkak të mosmarrëveshjeve lidhur me mënyrën se si po menaxhohet marrëveshja.
Disa tifozë të Barcelonës janë të befasuar nga rikthimi i interesit për Nico Williams, sidomos pas një sezoni të jashtëzakonshëm 2024/25 nga treshja ofensive: Lamine Yamal, Robert Lewandowski dhe Raphinha.
Ky i fundit aktualisht luan në krahun e majtë, pozicioni i preferuar i Williams, dhe ka realizuar 34 gola dhe 22 asistime në të gjitha kompeticionet, ndërsa trajneri Hansi Flick fitoi të gjithë trofetë në Spanjë në sezonin e tij të parë.
Raphinha, që është mes pretendentëve për Topin e Artë 2025, nuk është i shqetësuar nga konkurrenca e mundshme me Williams.
“Çdo lojtar që vjen në klub për të kontribuar është i mirëseardhur. Kushdo që vjen me mentalitetin për të punuar fort është i mirë për ekipin”.
“Nuk është rastësi që Nico Williams po konsiderohet për t’iu bashkuar Barcelonës. Ai është një lojtar me cilësi të jashtëzakonshme”, ka deklaruar braziliani.
