Kryeministri Edi Rama u shpreh se, sot Shqipëria në mendjen e në perceptimin e gjithmonë e më shumë njerëzve po identifikohet si një vend ku duhet shkuar për të parë.
Rama e cilësoi Partinë Socialiste shpëtimtare të Shqipërisë, për transformimin që është bërë duke e kthyer vendin siç tha ai, në krenari për çdo shqiptar.
“Ky është atdheu ynë dhe për të mbrojtur këtë vend dhe për t’i dhënë këtij vendi krenarinë që çdo shqiptar të mos jetë krenar për Skënderbeun, për historinë, për gjithçka ka qenë të shkuarën, por të jetë krenar që kur t’i thotë dikujt “unë jam nga Shqipëria”, ai tjetri të thotë “o, Shqipëria?!”. Sot shqiptarët jashtë e ngrenë kokën lart e nuk e mbajnë poshtë kur flitet për Shqipërinë, sepse sot kur flitet për Shqipërinë në mendjen e në perceptimin e gjithmonë e më shumë njerëzve po identifikohet në një vend ku duhet shkuar për të parë”, u shpreh Rama.
“Sikur të mos vija unë me Partinë Socialiste, këtu po të vazhdonin ata të shkatërrimit të rithemeluar, këtu nuk kishte jo as Sazan. Unë quaj Partinë Socialiste shpëtimtare të Shqipërisë. Po patjetër “, deklaroi Rama gjatë një interviste televizive.
