Kryeministri i Shqipërisë, Edi Rama ka shpërndarë në Facebook një fotografi nga Brukseli, ku shihet flamuri kuq e zi, në oborrin e selisë së Bashkimit Evropian.
Sipër saj, Rama ka shkruar edhe disa fjalë.
“MIRËMËNGJES
me krenari për flamurin e Skënderbeut dhe Ismail Qemalit në oborrin e Europës”, ka shkruar ai.
Republika e Shqipërisë dhe Maqedonia e Veriut kanë hapur të martën zyrtarisht negociatat për anëtarësim në Bashkimin Evropian.
Rama ka thënë se kishte vështirësi deri në arritjen e kësaj ngjarjeje por sipas tij, kjo e ka forcuar Shqipërinë edhe më shumë.
