Partia Socialiste i ka konfirmuar dy fitore të radhës në bashkitë e Lezhës dhe të Shkodrës të hënën, ndërsa fitore të thella ka regjistruar në Dibër e Maliq.
Sipas të dhënave të fundit, në Tiranë janë numëruar 69 për qind të kutive dhe Erion Veliaj prin me 109.193 vota apo 54 për qind.
Numërimi i votave ka mbaruar në Kamëz, ku fitues doli Edison Memolla i PS-së, në Vorë fitues PS-ja me kandidatin Blerim Shera, në Elbasan Gledian Llatja i PS-së, në Cërrik Andis Salla i PS-së, në Librazh Mariglen Disha i partisë në pushtet, në Peqin Bukurosh Maçi i PS-së, në Gramsh Besion Ajazi i PS-së, në Belsh po ashtu PS-së me Arif Tafanin, në Fushë-Arrëz Hill Curri i koalicionit opozitar, në Lushnjë Eriselda Sefa e PS-së, në Patos PS-ja me Fation Duron, në Roskovec PS-ja me Majlinda Bufin, në Vlorë PS-ja me Ermal Dredhën, në Sarandë PD-ja me Oltion Çaçin, në Selenicë PS-ja me Nertil Bellajn, në Himars PD-ja me Dhionisios Alfred Belerin, në Delvinë PS-ja me Besmir Velin, në Konispol Ergest Dule i PS-së, në Korçë Sotiraq Filo i PS-së, në Maliq PS-ja me Gëzim Topçiun, në Kolonjë PS-ja me Erion Isain, në Pustec PS-ja me Pali Kolefskin, në Mirditë koalicioni me Albert Mëlyshin, në Berat PS-ja me Ervin Demon, në Kuçovë PS-ja me Kreshnik Hajdarin, në Dimal PS-ja me Juliana Memajn dhe në Skrapar PS-ja me Adriatik Memën.
Lidhur me këto rezultate ka reaguar ish- kryeministri Sali Berisha. Ai tha se demokracia është në krizë.
