Qendra Kryesore e Mjekësisë Familjare në Rahovec pak ditë më parë ka formuar Këshillin e Pacientëve si të parët në nivel vendi bashkë me atë të Lipjanit.
Derisa trajtimin e kutisë së ankesave, mbrojtjen dhe informimin e pacientëve prej filli vitit të 2023 do ta bëjë kjo trupë me mandat trevjeçar.
Sipas kryesueses së këshillit, Anduena Shtavica, qëllimin kryesorë e kanë informimin e komunitetit sa i përket dallimeve në sistemin shëndetësor, se çka ofron kujdesi parësorë, dytësorë dhe terciar ngase shpeshherë pacientët nuk i kanë të qarta.
E, pikërisht në mungesë të informatave mbi rolin e mjekësisë familjare, kreu i QKMF-së në Rahovec Elbunit Kryeziu, shton se pacientët shpesh kanë kërkuar dhe pyetur përse në QKMF nuk ka CT si shërbim më i avancuar radiologjik.
Pos këtyre, Këshilli i Pacientëve do të ketë punë më shumë me mungesën e ilaçe, ngase prej muajsh QKMF-ja në Rahovec nuk është furnizuar nga Ministria e Shëndetësisë me infuzione dhe glukozë si dhe me furnizim më të pakët të terapive ampulare. Mungesa këto për të cilat televizioni ka raportuar javë më parë.
Ndërkaq, kryesuesja e kësaj trupe ka të drejtë vote në këshillin drejtues në QKMF-në e Rahovecit, teksa krijimi i këtij organi parashihet edhe me UA 04/2020/./kk/
