Një qytetar nga Shtimja me inicialet S.Brahimi ka gjetur një portofol me dokumente dhe një shumë të konsiderueshme parash në fshatin Belincë dhe e ka dorëzuar në Polici.
Policia ka njoftuar se pas verifikimit, është gjetur pronari i portofolit.
“Policia kontaktoi pronarin, i cili erdhi në stacion për ta marrë portofolin. Dokumentet dhe shuma prej 2468.40 euro, 102 dollarë, 30 franga dhe 10 paund iu kthyen atij me procesverbal. Drejtoria Rajonale e Policisë në Ferizaj shpreh mirënjohje për qytetarin S. Brahimi, duke e vlerësuar këtë gjest si një akt human dhe shembullor, që pasqyron standarde të larta të integritetit dhe përgjegjësisë qytetare.
