Qeveria e Kosovës ka marrë vendim për të emërtuar rrugën rajonale R-217 segmenti Ballaban – Banjskë me emrin e heroit të Kosovës, Afrim Bunjaku.
Ndryshe, Rreshteri policor Afrim Bunjaku u vra në sulmin terrorist në Banjskë më 24 shtator të vitit të kaluar.
Ndërsa gjatë së martës do të mbahen disa aktivitete në nderim të heroit Bunjaku.
Në mbledhjen elektronike që Qeveria e ka mbajtur të hënën janë marrë disa vendime.
Gëzim Paci është emëruar si kryesues i Bordit të Postës së Kosovës, ndërsa Genc Metaj është emëruar në pozitën e Drejtorit Ekzekutiv në Agjencinë për Menaxhim të Emergjencave.
