Kryeministri i Republikës së Kosovës, Albin Kurti, i shoqëruar nga ministri i Shëndetësisë, Arben Vitia, ka inspektuar mëngjesin e sotëm punimet që po bëhen në ndërtimin e Klinikës Hemato-Onkologjike dhe në Klinikën e Nefrologjisë.
Kurti u shpreh i lumtur me mbarëvajtjen e punimeve, duke thënë se këto dy klinika pritet të ofrojnë shërbime të cilësisë së lartë, gjithnjë duke vendosur në plan të parë pacientin.
“Në këto dy klinika do të ofrohen shërbime të cilat deri tani nuk janë ofruar në Kosovë. Edhe pse është paraparë që punimet në këto klinika të zgjasin 36 muaj, me intensitetin e tanishëm të punimeve, afati kohor do të shkurtohet në 24 muaj”, shtoi kryeministri.
Punimet për projektin me vlerë 4.3 milionë euro nisën në maj të këtij viti.
