Një punëtor ka vdekur në vendin e punës në Suharekë, pasi pësoi lëndime përderisa po testonte një makineri, mesditën e së mërkurës.
I njëjti u dërgua për tretman mjekësor, ku nga mjekët u konstatua se trupi i viktimës është pa shenja jete.
Siç njofton policia, me vendim të prokurorit trupi i pajetë i viktimës është dërguar në Institutin e Mjekësisë Ligjore (IML) për obduksion.
Lidhur me rastin është arrestuar një i dyshuar mashkull kosovar, për të cilin policia nuk ke cekur nëse është pronar i vendpunishtes apo bashkëpunëtor. Ai është dërguar në mbajtje.
