Punëtorët e “Kosova Thëngjillit”, kanë protestuar të mërkurën para objektit të Qeverisë.
Kërkesë e tyre është kthimi i punëtorëve në punë.
Njëri nga organizatorët e kësaj proteste, Imri Restelica, tha se që nga viti 2013, shumë punëtorë janë larguar nga puna.
“Kompania e KEK-ut ka shpallur një padrejtësi ndaj neve, mbi 160 punëtorë nga viti 2013 jemi duke u larguar nga puna. Qëllimi i kësaj proteste është që të zgjidhet problemi. Pika e parë ka qenë kthimi në KEK dhe e dyta është kthimi i punëtorëve të “Kosova Thëngjillit”, të cilët padrejtësisht janë larguar prej KEK-ut”, tha ai./Eo/
