Komuna e Prishtinës ka njoftuar se është miratuar vendimi dhe tashmë fillohet me aplikimin e subvencioneve për nënat lehona në kuadër të pakos së Skemës për Ndihmë Sociale në vlerë prej 500 eurosh.
E me këtë njoftim janë bërë të ditura edhe kriteret se cilat gra mund të përfitojnë dhe cilat dokumente duhen për të aplikuar për këtë shumë parash.
Sipas njoftimit, për të aplikuar për Subvencione në vlerë prej 500E (pesëqind euro), prindërit (nënat lehona përfitues të skemës sociale) aplikues duhet ti plotësoj këto kritere:
1. Të jetë përfitues i Skemës Sociale,
2. Të jetë regjistruar në regjistrin civil të Komunës së Prishtinës (banorë KK Prishtinës),
3. Të kenë lindur fëmijën nga data 01.01.2022 dhe tutje, brenda territorit të Komunës së Prishtinës.
Ndërkaq me rastin e aplikimit duhet pasur edhe një varg dokumentesh, duke filluar me foto.
Dokumentet të cilat janë të domosdoshme për të aplikuar janë:
1. Fotokopje e letërnjoftimit të dy prindërve – si dëshmi se është shtetas i Republikës së Kosoves:
2. Ekstrakti i lindjes – vetëm për aplikuesen:
3. Ekstrakti i lindjes për të poslindurin (fëmijun):
4. Certifikata apo Deklarata e bashkësisë familjare:
5. Vertetimi (informatë) mbi vendbanimin e përhershëm:
6. Vertetimi se personi/ familja është shfrytëzuese e ndihmës sociale- fotokopje kartela sociale me afat vlefshmerie
7. Konfirmimi i llogarise bankare i/e aplikusit (kartela bankare);
8. Dokumentet e kërkuara nuk mund të jenë më të vjetra se gjashtë (6) muaj nga dita e lëshimit të tyre.
