Edhe pse nuk është më pjesë e PSG-së, Kylian Mbappe do të përfitojë miliona eruo nga skuadra franceze.
Sipas asaj që raporton ”L’Équipé”, Komiteti ligjor i LFP ka urdhëruar PSG-në të paguajë 55 milionë euro ndaj Mbappes, shkruan IndeksOnline.
Kjo për shkak të pretendimeve të sulmuesit francez, paga të papaguara për prill, maj, qershor 2024.
Ndërkohë klubi i PSG-së ka thënë se nuk do ti paguajë këto para.
“Duke pasur parasysh kufizimet e fushëveprimit ligjor të komisionit për të marrë një vendim të plotë për këtë çështje, çështja tani duhet të kundërshtohet përpara një gjykate tjetër, së cilës Paris Saint-Germain do të jetë i lumtur t’i paraqesë të gjitha faktet gjatë muajve dhe viteve në vijim.
Në ligj dhe në fakt, lojtari ka bërë të qarta dhe të përsëritura angazhime publike dhe private, të cilat duhen respektuar, pasi ka përfituar avantazhe të paprecedentë nga klubi prej 7 vitesh në Paris. Klubi pret që këto angazhime të konfirmohen në kohën e duhur në forumin e duhur, nëse lojtari kërkon të ndjekë këtë çështje të pashmangshme që dëmton reputacionin.”, thuhet në komunikatën e PSG-së.
