Prokuroria Themelore në Prishtinë është deklaruar në lidhje me vrasjen e mbrëmshme në “Kodrën e Trimave” në Prishtinë, ku një grua dyshohet të ketë vrarë kunatin e saj e cila më pas u vetëdorëzua në polici.
Në një përgjigje nga Prokuroria kanë thënë se motivi i vrasjes dyshohet të jenë problemet familjare.
Në përgjigjen e tyre thuhet se hetimet për rrethanat e kësaj vrasjeje janë duke vazhduar.
“Lidhur me rastin e vrasjes se rende, ne rrugen “Ismet Krasniqi” ne Prishtine, iu njoftojme se prokurorja kujdestare nga Departamenti per Krime te Renda, ka dale ne vendin e ngjarjes, nga aty ne bashkepunim te plote me policine e njesite relevante kane marre veprime hetimore, me qellim te ndriçimit te rrethanave te kesaj ngjarjeje. Me urdher te Prokurorise, trupi i pajete eshte derguar ne IML, per obduksion, ndersa e dyshuara (56 vjeçe) eshte derguar ne mbajtje, per shkak te vepres penale “Vrasja e rende”, sipas KPRK-se, si dhe eshte sekuestruar arma, si mjet i kryerjes se vepres penale. Nga hetimet preliminare, dyshohet se motivi i kryerjes se ketij akti jane problemet familjare, megjithate rezultatet nga hetimi do t’i sqarojne te gjitha rrethanat e ketij rasti”, thuhet në përgjigjen e tyre.
Prokurori i Shtetit, brenda afatit ligjor do te paraqesë kërkesë per caktimin e masës së paraburgimit ndaj të dyshuarës (56-vjeçare).
Në raportin 24-orësh të Policisë së Kosovës u tha se në vendngjarje është sekuestruar një pistoletë me të cilën dyshohet se është kryer vrasja.
Në këtë vend janë gjetur 10 gëzhoja dhe katër predha. Është sekuestruar edhe një karikator me tre fishekë. Po ashtu gjatë kontrollit janë gjetur edhe 27 fishekë.
