Prokuroria Themelore e Mitrovicës ka paraqitur kërkesë pranë Gjykatës për caktimin e masës së paraburgimit ndaj dhjetë personave, kryesues të Qendrave Komunale të Numërimit, të dyshuar për manipulim të votave të zgjedhjeve të parakohshme të 25 dhjetorit 2025.
Lajmin e konfirmoi Valon Preteni, zëdhënës i Prokurorisë së Mitrovicës, i cila tha se kërkesa e tillë është paraqitur sonte më 01.02.2026.Prokuroria e Mitrovicës, të dielën (01.02.2025) ka njoftuar se ka urdhëruar hetuesit që të intervistojnë 43 kryesues të Qendrave Komunale të Numërimit në Mitrovicë Jug, Mitrovicë Veri, Leposaviq, Zubin Potok dhe Zveçan.
Sipas njoftimit, intervistimi po bëhet për shkak të dyshimeve për manipulim gjatë numërimit të votave të zgjedhjeve të parakohshme parlamentare të 28 dhjetorit 2025.43 kryesues janë intervistuar në stacionet policore në Mitrovicë të Jugut dhe Mitrovicë të Veriut. Intervistimi ka përfunduar në orët e pasdites.
Ndryshe, 34 kryesues të dyshuar për manipulim me vota të rajonit të Mitrovicës janë dërguar në mbajtje për 48 orë. 21 prej tyre janë ndaluar në stacionin policor të Jugut, ndërsa 13 në atë Veriut.
