Prokuroria Themelore në Pejë njofton se gjatë periudhës kohore janar-shtator të këtij vitit, ka ngritur 146 aktakuza kundër 150 personave për veprën penale “Dhuna në familje”.
Sipas njoftimit të prokurorisë, 133 persona të akuzuar janë të gjinisë mashkullore, kurse 17 të gjinisë femërore.
“Në Prokurorinë Themelore të Pejës gjatë kohës se lartcekur janë trajtuar si viktima të dhunës në familje gjithsej 154 (njëqindepesëdhjetekatër) persona, prej tyre 125 (njëqindenjëzetepesë) të gjinisë femërore, kurse 29 (njëzetenëntë) viktima të gjinisë mashkullore”, thuhet në njoftim.
Gjatë trajtimit të këtyre rasteve nga Prokurori i Shtetit, janë bërë 35 kërkesa për caktimin e masës së paraburgimit për personat e pandehur dhe në gjashtë raste është propozuar për shqiptimin e masës së trajtimit të detyrueshëm psikiatrik.
“Prokuroria Themelore në Pejë inkurajon të gjithë viktimat e rasteve të dhunës në familje që t’i raportojnë raste në ketë prokurori apo në Policinë e Kosovës”.
