Në mbledhjen e javës së kaluar të Qeverisë së Republikës së Kosovës, mes të tjerash është votuar edhe për kërkesën për shpronësim të pronave të paluajtshme në rrugën Kijevë-Zahaq, duke i dhënë kështu dritën e gjelbër nisjes së punimeve për ndërtimin e kësaj rruge.
Ministri i Mjedisit, Planifikimit Hapësinor dhe Infrastrukturës, Liburn Aliu bëri të ditur sot se janë hapur procedurat e prokurimit për ndërtimin e Rrugës Nacionale N9 Kijevë-Zahaq, përkatësisht segmenti Kijevë-Dollc.
Ai tha se rruga është e ndarë në 4 lote me gjatësi totale 12.8 km dhe me buxhet të planifikuar prej 32 milionë €.
Lot 1: 8,200,000.00 €
Lot 2: 7,400,000.00 €
Lot 3: 6,300,000.00 €
Lot 4: 10,100,000.00 €
“Kjo rrugë do të ndikojë drejtpërdrejt në jetën e mijëra banorëve dhe do të shërbejë si mundësi për zhvillimin ekonomik të të gjithë zonës së rrafshit të Dukagjinit”, ka shkruar ministri Aliu të hënën gjersa bëri të ditur detajet.