Qeveria e Kosovës në mbledhjen e së premtes ka liruar nga obligimi për pajisje me Leje Pune Afatshkurtër, profesionistët shëndetësor të cilët konsiderohen pjesëtarë të diasporës e të cilët me kërkesë të institucioneve shëndetësore angazhohen përkohësisht në këto institucione.
Ministri i Punëve të Brendshme, Xhelal Sveçla, ka thënë se ky vendim pritet të jetë nisje e një stadi reformues të shëndetësisë.
“Duke uruar që ky vendim të jetë edhe nisja e një stadi transformues të shëndetësisë. Duke marrë në konsideratë rëndësinë e sjelljes së kapitalit njerëzor nga mërgata kërkoj miratimin e këtij propozim vendimi”, ka thënë Sveçla.
Qeveria ka miratuar po ashtu projekt-udhëzimin administrativ për licencimin e profesionistëvë shëndetësorë të huaj
Ministri i Shëndetësisë, Rifat Latifi, ka thënë se po shënohet një epokë e re bashkëpunimi me mërgatën.
“Ne sot po shënojmë fillimin e një epoke të re të bashkëpunimi.. nga mërgata por edhe rajone. Përmes këtij udhëzimi administrativ do të lehtësohen procedurat për profesionistëve nga mërgata. Bashkatdhetarët tanë kohëzgjatja e licencës së tyre do të jetë 5-vjeçare”, është shprehur Latifi.
Qeveria e Kosovës ka shtuar në agjendën legjislative edhe nëntë projektligje të cilat planifikon t’i miratojë këtë vit. Po ashtu ka ndryshuar edhe afatet e miratimit të rreth 40 projektligjeve të tjera.
