Presidentja e Kosovës, Vjosa Osmani ka vizituar fëmijët të cilët po kurohen në Klinikën e Onkologjisë dhe Kirurgjisë së Fëmijëve.
Ajo ka lavdëruar punën e stafit atje, duke shprehur mirënjohje për punën e tyre dhe përkujdesjen ndaj fëmijëve.
“Si çdo fundvit, edhe sivjet vizituam më të vegjlit tanë në Klinikën e Onkologjisë dhe Kirurgjisë së Fëmijëve. Puna e jashtëzakonshme që bën stafi në këto klinika, jep shpresë e forcë për këta fëmijë dhe për prindërit e tyre që ndiejnë dhimbjen më të madhe të jetës së tyre. Mirënjohje e thellë për punën e gjithsecilit, duke ofruar jo vetëm shërbime mjekësore, por edhe dashuri e përkrahje të pafund!”, ka shkruar Osmani në Facebook.
