Pas një nate të zjarrtë, sonte vazhdon edicioni i Beerfest Kosova 2025 me natën e dytë, e cila pritet të ndezë edhe më shumë atmosferën në kryeqytetit.
Mijëra vizitorë pritet të mbushin parkingun prapa Pallatit të Rinisë për të shijuar muzikën live, birrat e shumëllojshme dhe atmosferën unike që sjell ky festival çdo vit.
Sonte, në natën e dytë, publiku do të argëtohet me një line-up të jashtëzakonshëm që përfshin: Yanina, Capital T, Yll Matoshi, Young Arti, VND, Lloch Matranga, Dafina Bytyqi, BB Poqi, Hamzë.
Përveç muzikës live, Beerfest ofron një përvojë të pasur me lloje të ndryshme të birrave nga brende vendore dhe ndërkombëtare, ushqim të mirë, zona relaksi, duke e kthyer festivalin në një atraksion të vërtetë veror në Prishtinë.
Beerfest Kosova, festivali më i madh i birrës dhe muzikës live në vend, po mbahet nga 14 deri më 17 qershor 2025.
Ky festival vazhdon të dëshmohet si një prej ngjarjeve më të dashura në vend, që i sjell bashkë njerëzit për të festuar me muzikë dhe shije.
