Presidentja Vjosa Osmani do të pres sot pasdite Zëvendëssekretarin e Përgjithshëm të NATO-s, Mircea Geoana i cili sot viziton Kosovën.
“Në orën 15:15, presidentja e Republikës së Kosovës, Vjosa Osmani Sadriu pret në takim Zëvendëssekretarin e Përgjithshëm të NATO-s, Mircea Geoană”, thuhet në njoftimin e Presidencës.
Delegacioni i lartë Këshillit të Aleancës Veri-Atlantike do të zbarkojë sot në Kosovëdhe do të vizitojë misionin e KFOR-it dhe Ekipin Këshillues dhe Ndërlidhës të NATO-s.
Nënsekretari i Përgjithshëm i NATO-së, Mircea Geoana, do të drejtojë takimet në terren, njofton NATO.
Gjithashtu Geoana do të takohet në Prishtinë me presidenten e Republikës së Kosovës, Vjosa Osmanin, dhe gjithashtu kreun e Listës Serbe, Goran Rakiq.
“Ambasadorët e Aleatëve dhe të Partnerëve kontribuues të trupave të KFOR-it do të takohen me komandantin e KFOR-it, gjeneralmajor Ferenc Kajári dhe drejtorin e Ekipit Këshillues dhe Ndërlidhës të NATO-s në Kosovë, gjeneral brigade Joachim Hoppe. Ata do të kenë edhe një shkëmbim me shefat e misioneve të Bashkimit Evropian, EULEX-it, OSBE-së dhe UNMIK-ut. Ambasadorët do të kenë mundësinë të angazhohen me trupat e KFOR-it”, thuhet ndër të tjera në njoftim.
Lajmin e ka bërë të ditur edhe zëdhënësja e NATO-s, Oana Lugescu.
The North Atlantic Council, led by Deputy Secretary General @Mircea_Geoana, will visit the #NATO-led @NATO_KFOR mission in Kosovo on Thursday 7 July.
— Oana Lungescu (@NATOpress) July 6, 2022
ℹ️ https://t.co/6OotvIx5jw pic.twitter.com/LoRxYuPIwb
