Presidentja e Kosovës, Vjosa Osmani ka shprehur ngushëllime ndaj familjarëve, miqve dhe bashkëpunëtorëve të Universitetit të Prishtinës për ndarjen nga jeta e akademikut Feriz Krasniqi.
Presidentja Osmani ka thënë se kontributi i tij në themelimin e UP-së është i çmuar dhe se do të mbetet kujtimi i hershëm për të.
Varrimi i të ndjerit Feriz Krasniqi do të bëhet në orën 14:30 në varrezat e Prishtinës, ndërsa Në Akademinë e Shkencave dhe të Arteve të Kosovës të dielën në orën 11:00 mbahet mbledhja komemorative dhe më pas bëhen homazhe.
“Presidentja Vjosa Osmani u shpreh ngushëllime familjes dhe miqve për ndarjen nga jeta të akademik Feriz Krasniqit
Presidentja e Republikës së Kosovës, Vjosa Osmani iu ka shprehur ngushëllime familjes, miqve, Universitetit të Prishtinës dhe Akademisë së Shkencave dhe Arteve të Kosovës, për ndarjen nga jeta të akademik Feriz Krasniqit.
Ngushëllimi i plotë i Presidentes Osmani:
Jam thellësisht e pikëlluar nga shuarja e akademik Feriz Krasniqit, ish-rektor e prorektor i Universitetit të Prishtinës, si dhe ligjërues universitar.
Kontributi i tij për themelimin e Universitetit të Prishtinës është tejet i çmuar, sikurse edhe puna e tij e palodhshme në sferën akademike, e cila mbetet testament për brezat dhe kujtim i përhershëm për të.
Ju shpreh ngushëllime të sinqerta familjes, miqve, Universitetit të Prishtinës dhe Akademisë së Shkencave dhe Arteve të Kosovës!”, thuhet në njoftimin e Presidences.
