Presidentja e vendit, Vjosa Osmani me rastin e 17-vjetorit të Pavarësisë së Republikës së Kosovës, në një ceremoni të veçantë ka ndarë Dekorata Presidenciale, për personalitete të shquara vendore dhe ndërkombëtare.
Osmani para të pranishmëve theksoi se vajza dhe gra, qëndrestare e luftëtare, që dhanë jetën për lirinë e Kosovës dëshmuan se çlirimi i këtij vendi nuk ishte vetëm një betejë burrash, por një përpjekje e përbashkët ku gratë ishin në vijën e parë të luftës.
Në mesin e tyre, ishte edhe dëshmorja e UÇK-së Mukadeze Lika- Muhaxheri nga Kaçaniku.
“Ky është një moment i jashtëzakonshëm që na kujton sakrificat e çmueshme të atyre që dhanë gjithçka për lirinë tonë. Faleminderit, Zonja Presidente Vjosa Osmani, për nderimin dhe përkujdesin ndaj heronjve të kombit!”, ka shkruar djali i heroinës Alban Muhaxheri.
