Presidentja e Republikës së Kosovës, Vjosa Osmani, ka reaguar sërish pasi Kosova ka kaluar në epërsi në ndeshjen e mbrëmjes, duke përshëndetur Dardanët për startin e fuqishëm.
“Zemra jonë rreh për Kosovën, për ekipin tonë të zemrës! Le të jemi bashkë sonte, le të bëhemi një zë, një brohoritje, një besim për djemtë tanë!”, shkroi Osmani, duke rikthyer thirrjen për unitet dhe mbështetje të pakursyer.
Presidentja theksoi se epërsia është dëshmi e përkushtimit dhe shpirtit të skuadrës.
“Forca Kosovë, forca dardanë! Sot luajmë me shpirt, me zemër, me krenari!” – përfundon mesazhi i saj.
Kosova aktualisht është në epërsi 1–0, ndërsa atmosfera në stadium dhe në rrjete sociale mbetet e zjarrtë.
