Presidentja e vendit Vjosa Osmani ka udhëtuar në për një vizitë disa ditore në Shtetet e Bashkuara të Amerikës (ShBA), ku ka nisur edhe takime me drejtues të lartë të Senatit, ndërsa pos takimeve ajo do të mbajë edhe një ligjëratë në Universitetin e Hardvardit.
Këtë e ka bërë të ditur përmes një njoftimi për media vetë Qendra për Zhvillim Ndërkombëtar (CID) në Universitetin e Harvardit, nga e cila njoftohet se më 10 dhe 11 maj do të presë takimin vjetor Global të Fuqizimit, GEM23: Rritja në një Botë të Gjelbër, raporton KosovaNews
Kjo konferencë dyditore thuhet se do të eksplorojë dimensione të ndryshme të ndryshimit të klimës nga perspektiva e ekonomive në zhvillim që janë në vijën e parë të një planeti që po ngrohet.
CID do të transmetojë drejtpërdrejt komponentët kryesorë të konferencës më 11 maj për një audiencë virtuale.
Tutje bëhet thirrje që të dëgjohen siç thuhet një grup i jashtëzakonshëm folësish, duke përfshirë Presidenten e Republikës së Kosovës, Dr. Vjosa Osmani-Sadriu, mandej si flet këshilltarja Speciale e OKB-së për Afrikën, Cristina Duarte, si dhe presidentja dhe CEO e Fondit Bezos Earth, Dr. Andrew Steer.
Presidentja Osmani pasi mori pjesë në ceremoninë inauguruese të mbretit Charls III në Londër, mbrëmë ka udhëtuar për në kryeqendrën botërore në Uashington të ShBA-së, ku është takuar me udhëheqësin e shumicës në Senat nga demokratët Chuck Schumer.
Presidentja Osmani ka shprehur mirënjohjen për mbështetjen e vazhdueshme të ShBA-së dhe me udhëheqësin demokrat ka diskutuar mënyrat se si mund të rritim bashkëpunimin.
“Gjithmonë kam kënaqësi të takoj udhëheqësin e shumicës në Senat SenSchumer dhe për të riafirmuar partneritetin e gjatë mes dy vendeve tona. Shpreha mirënjohjen time për mbështetjen e vazhdueshme të SHBA-së dhe diskutuam mënyrat se si mund të rritim bashkëpunimin me Senatin”, ka thënë pas takimit presidentja Osmani.
Presidentja në këtë takim ka qenë e shoqëruar nga stafi i kabinetit të saj dhe ambasadori i Republikës së Kosovës në ShBA, Ilir Dugolli./KosovaNews
