Presidentja e Kosovës, Vjosa Osmani ka kujtuar sot në 20-vjetorin e vrasjes kolonel Tahir Zemajn së bashku me të birin Enisin dhe kushëririn Hasanin.
Në njëzetë vjetorin e vrasjes së kolonel Tahir Zemajt së bashku me të birin Enisin dhe kushëririn Hasanin, kujtimi për ta Osmani tha se vjen si thirrje që vrasja e tyre të zbardhet.
“Kolonel Zemaj ishte njeriu stoik që me angazhimin e tij la gjurmë të pashlyeshme në luftën për lirinë dhe pavarësinë e vendit. Heroizimi i tij i jep kuptim të sotmes sonë, teksa vepra e tij do të mbetet në kujtesën e brezave që vijnë!”, ka shkruar presidentja.
Tahir Zemaj u shpall hero i Kosovës në vitin 2010 nga presidenti atëhershëm i Republikës së Kosovës, Fatmir Sejdiu.
Zemaj u vra në Pejë në vitin 2003 bashkë me djalin e tij, Enisin, dhe kushëririn e tyre, Hasan Zemaj.
