Presidentja e Republikës së Kosovës, Vjosa Osmani, nesër do të takohet me nënsekretaren e SHBA-së për Diplomaci Publike, Elizabeth Allen.
Lajmin e ka bërë të ditur Presidenca.
Përgjatë takimit do të diskutohen çështje aktuale dhe me rëndësi për vendin.
Gjithashtu, të dy palët do ta nënshkruajnë marrëveshjen e mirëkuptimit ndërmjet qeverisë së ShBA-së dhe asaj të Kosovës, kundër manipulimit të informacionit nga shtetet e huaja.
“Pas nënshkrimit të marrëveshjes, Presidentja Osmani dhe Nënsekretarja Allen do të deklarohen për media” thuhet në njoftim.
