Forcat izraelite rrëzuan disa dronë iranianë gjatë natës, ndërsa bombardimet e Iranit veriperëndimor vazhduan. Përpara bisedimeve bërthamore Iran-BE, Sekretari i Jashtëm Britanik thotë se ka një dritare dy-javore për diplomaci.
Sekretari i Jashtëm i Mbretërisë së Bashkuar, David Lammy, ka udhëtuar drejt Gjenevës për një takim me homologët e tij francezë dhe gjermanë, si dhe me ministrin e Jashtëm iranian, Abbas Araghchi.
Bisedimet do të jenë të parat midis udhëheqësve iranianë dhe perëndimorë që kur Izraeli filloi sulmet e tij një javë më parë dhe pritet të përqendrohen në sjelljen e Iranit në tryezën e negociatave.
Lammy, është deklaruar pas takimit me homologut të tij amerikan, Marco Rubio.
Lammy e ka përshkruar situatën në Lindjen e Mesme si “të rrezikshme” dhe ka thë më se të dy kishin diskutuar për mënyrat se si të “zgjidhet çështja bërthamore në afat të gjatë”.
“Një dritare ekziston tani, gjatë dy javëve të ardhshme, për të arritur një zgjidhje diplomatike”, ka theksuar ai.
Sipas zëdhënësit të Rubio-s , të dy gjithashtu kanë rë në dakord se “Irani nuk mund të zhvillojë apo të pajiset kurrë me një armë bërthamore”.
Presidenti amerikan, Donald Trump, ka thënë se do të marrë një vendim për përfshirjen e SHBA-së në çështjen e Iranit brenda dy javësh.
Ndërsa ushtria izraelite tha se kreu sulme në disa vende në Iran gjatë natës me një flotë prej 60 avionësh
.
“Objektivat janë objektet ushtarake të destinuara për prodhimin e raketave dhe një qendër kërkimore bërthamore”, tha IDF në një deklaratë.
Nga ana tjetër, autoritetet lokale në Izrael konfirmuan se Teherani kreu një sulm të ri në territorin izraelit në jug të vendit gjatë natës.
Pas raportimeve për sulme iraniane në Izraelin jugor, në mediat sociale po qarkullojnë foto të një zjarri që shpërtheu pranë ndërtesës së Microsoft në qytetin e Beershebas.
Objekti ndodhet brenda një parku teknologjik dhe të paktën pesë persona u plagosën në ndërtesat përreth.
