Presidentja e Kosovës, Vjosa Osmani, nëpërmjet një postimi në profilin e saj në Facebook, ka njoftuar se në Berlin e ka dekoruar ish-ministrin Michael Roth me Medaljen Presidenciale të Meritave, një simbol mirënjohjeje nga populli i Kosovës.
“Suksesi i Kosovës ka qenë gjithmonë më i fortë falë miqve që qëndrojnë pranë nesh—atyre që besojnë në demokraci, liri dhe në vendin tonë të merituar në familjen evropiane. Për mbrojtje të këtyre vlerave, Michael Roth, kryetar aktual i komisionit për punë të jashtme në Bundestagun gjerman e ish minister, punoi përgjate 27 viteve të angazhimit të tij politik”, shkruan presidentja.
Ajo falënderon Roth për përkushtimin “e palodhur në afrimin e dy vendeve tona dhe angazhimin për thellimin e bashkëpunimit bilateral”.
