Presidenti i Shqipërisë në largim, Ilir Meta ka ardhur për vizitë zyrtare në vendin tonë.
Ai ka arritur dje në mbrëmje në Kosovë, ku është pritur në pikën kufitare nga ministrja e Jashtme, Donika Gërvalla.
Meta sot do të takohet me krerët institucional të vendit, ndërsa do të pritet me ceremoni shtetërore nga presidentja Vjosa Osmani.
Ata pastaj do ta mbajnë një konferencë të përbashkët për media.
Presidenti shqiptar, Ilir Meta, sot, në një seancë të veçantë, do t’u drejtohet edhe deputetëve të Kuvendit të Kosovës.
Meta do ta përmbyllë mandatin e tij si president duke ia lënë vendin tashmë presidentit të ri shqiptar, Bajram Begaj.
