Presidenti i Francës, Emmanuel Macron dhe kancelari gjerman Olaf Scholz duan një takim me kryeministrin e Kosovës, Albin Kurti dhe presidentin e Serbisë, Aleksandar Vuçiq, këtë javë.
Macron ka bërë të ditur në një konferencë për media nga Bratislava të mërkurën se ai shpreson që bashkë me Scholzin të takohen me Kurtin e Vuçiqin në Samitin e ECP në Kishinau të Moldavisë këtë javë.
Presidenti francez e fajësoi Kosovën për tensionet në veri.
Kryeministri Albin Kurti sot në kryeqytetin sllovak u takua me përfaqësuesin e Lartë të BE-së, Josep Borrell dhe emisarin Miroslav Lajçak, të cilëve iu bëri të ditur se për ta qetësuar situatën në veri duhen larguar së pari protestuesit e dhunshëm dhe bandat kriminale.
“Po punojmë shumë të gjejmë rrugëdaljen. S’duhet të jetë hekurudhë e lakuar, por me dy binarë. E para të dilet nga kriza me sundim të ligjit, huliganët në Serbi ose në burg në Kosovë, e më pas ulja e numrit të policisë dhe normalizim të situatës dhe implementimi i shpejtë, i plotë, pa shtyrje e pakushte i marrëveshjes së Brukselit”, ka thënë Kurti në Forumin e Bratislavës.
