Ad image

Presidentja Vjosa Osmani takohet me kryeministrin e Greqisë

Jeton Sopa
Jeton Sopa 19:02 -10/06/2022

Presidentja Vjosa Osmani po merr pjesë në Samitin e Evropës Juglindore i  cili po mbahet në  Greqi

Ajo sot është  takuar me Kryeministrin  e  Greqisë Kyriakos Mitsotakis dhe ka thënë se kanë diskutuar për thellimin e mëtejmë të raporteve mes Kosovës dhe Greqisë.

 “Kënaqësi të mirëpritem në takim nga Kryeministri grek, Kyriakos Mitsotakis. Diskutuam për thellimin e mëtejmë të raporteve tona bilaterale si dhe për bashkëpunimin mes demokracive në përballjen me situatën e rëndë të shkaktuar nga lufta ilegale e Rusisë në Ukrainë”  Ka shkruar Presidentja Osmani

Në këtë Samit, Presidentja Osmani u është bashkuar  krerëve të 13 shteteve për të biseduar rreth thellimit të bashkëpunimit me vendet e rajonit dhe partnerët ndërkombëtarë për të garantuar paqe, siguri, stabilitet, zhvillim ekonomik, politik e shoqëror në rajon. Gjithashtu, Samiti i SEECP-së do të përqendrohet edhe në zhvillimeve e fundit në Evropë, përfshirë luftën në Ukrainë, si dhe ndikimin e tyre në vendet e rajonit.

Shpërndaje