Kryetari i Lidhjes Demokratike të Kosovës (LDK), Lumir Abdixhiku ka dhënë këtë të premte disa kritika dhe e ka quajtur papranueshme gjendja në sistemin shëndetësor në Kosovë.
Mandje kreu i partisë opozitare ka konstatuar se spitalet e Kosovës, janë pa penj, pa infuzione dhe pa dorëza.
E gjithë këto konstatime për gjendjen në sistemin shëndetësor dhe kritikat nuk janë bërë nga vizita në ndonjë klinikë, por nga takimi me katër persona një restorant luksoz, ku shërbehej kafe e limonadë.
Edhe pse nuk ka marrë mundit që të shoh nga afër gjendjen e spitaleve, nga ambienti i ngrohtë i restorantit, Abdixhikut ka theksuar se sistemi shëndetësor është në pikën e thyerjes.
“Klinika të tëra spitalore janë pa penj, pa dorëza, pa infuzione e pa mjete higjienike bazike. Pacientët, familjarët e tyre, duhet t’i sjellin ato me veti para operimeve e intervenimeve. Për pacientët me kancer, në përballjen e tyre për jetë, nuk ka barna. Tani, kur kosto e jetës është e papërballueshme, ata duhet t’i blejnë ato vet”, ka shkruar në Facebook.
Abdixhiku ka shtuar se Qeverisë i kanë tepruar para por nga ana tjetër në klinika nuk po ka as penj kirurgjikë.
“Qeverisë, ndërsa, i kanë tepruar mbi 1.3 milion euro të dedikuara për barna e material bazik gjatë vitit 2022. Tepricë parash kur nuk ka as penj! Kjo gjendje është thjeshtë e papranueshme. Kosova meriton më mirë. Kosova mundet më shumë!” përfundoi ai.
Postimi i plotë nga kreu i LDK-së:
