Kryeministri i Kosovës, Albin Kurti, pas takimit me krerët e dy partive opozitare, LDK e AAK, ka thënë se opozitën e ka informuar për çdo gjë relevante që ka pasur.
Ai për deklarimet e kreut të LDK-së, Lumir Abdixhiku dhe atij të AAK-së, Ramush Haradinaj, se ndërmjetësit ndërkombëtarë i kanë njoftuar në mënyrë më të detajuar, ka thënë se nëse ndërkombëtarët kanë thënë diçka më shumë atëherë është mirë të tregojnë dy krerët e partive opozitare.
Sa i përket fushatës për konvertim të targave ilegale në ato RKS, Kurti, ka thënë se ajo do të nisë nga 1 shtatori.
“Fushata për ndërrim
Sa i përket nëse do të ketë tensione edhe më 1 shtator, Kurti ka thënë se e ka cekur se ai nuk është as polic, as prokuror, as gjykatës, as oficer i Doganës dhe as kryeshef i Agjencisë Kadastrale.
“Jam kryeministër i Kosovës. Organet shtetërore të Kosovës për çdo shkelje ligji do të marrin masa në përputhje me ligjin”, ka thënë Kurti.
Ai ka shtuar se nëse Serbia e shkel marrëveshjen për dokumente, atëherë edhe Kosova do të prezantojë reciprocitetin.
“Nuk ka dokumente përcjellëse, vetëm karta identiteti i duhet qytetarit kur kalon mes dy vendeve. Nëse Serbia vazhdon me lëshu dokumente hyrje/dalje, teorikisht apo rastësisht, atëherë edhe ne detyrohemi ta aplikojmë reciprocitetin. Më 1 gusht kemi ndarë për 19 orë 2679 dokumente të tilla pa asnjë incident. Shpresoj të mos jetë nevoja të ndajmë edhe dokumentin e 2680, por varet nga ajo nëse Serbia e shkel marrëveshjen”, ka thënë Kurti, që ka treguar se marrëveshja është vetëm për letërnjoftime.
të targave, nga ato që i ka lënë regjimi i Millosheviqit e që secili pushtet i mëpasshëm i Serbisë i ka vazhduar, te ato legjitime të Republikës së Kosovës do të vazhdojë deri më 31 tetor. Gjithë qytetarët të komunitetit serb që janë qytetarë të Republikës së Kosovës i ftojmë ta shfrytëzojnë këtë incentivë, që konvertimi i targave të bëhet duke mos pasur nevojë të paguhet TVSH-ja, akciza e dogana”, ka thënë Kurti në prononcim për media.
Kurti: Takimi i sotëm jep më shumë shpresë për më shumë komunikim qeveri-opozitë
Kryeministri i Kosovës, Albin Kurti, pas takimit me kreun e LDK-së, Lumir Abdixhiku dhe atë të AAK-së, Ramush Haradinaj, tha se i njoftoi ata për bisedimet në Bruksel.
Ai tha se takimi me krerët e opozitës ishte interes i tij në mënyrë që sa më shumë t’i njoftojë ata në lidhje me dialogun Kosovë – Serbi.
“Në kuvend kemi pauzë, kemi pushim deri kah mesi i shtatorit andaj kjo është arsyeja pse e konsideruam që është e rëndësishme një takim i këtillë, kur është arritur dakrodimi që as në anën e Kosovës të mos ketë aso dokumente të hyrje/daljeve”, tha Kurti, njofton Klankosova.tv.
Tutje, kreu i qeverisë tha se i diskutuan detajet e bisedimeve në Bruksel dhe ky takim, sipas tij, është një bashkëpunim i shtuat që siç th ai, jep shpresë për më shumë komunikim mes qeverisë dhe opozitës.
Kurti komentoi edhe deklarimet e opozitarëve të cilët thanë se më shumë informacione për dialogun kanë marrur nga ndërkomëbtaret sesa qeveria, duke thënë se ai i ka ndarë me ta (opozitën) të gjitha informatat me rëndësi.
“Unë besoj se informacion që është i rëndësishëm s’ka që është mbajtur prej nesh dhe krejt cka është relevante tashmë është ndarë me ta. Nëse kanë pasur informacion tjetër relevant që ua kanë dhënë ndërkombëtarët mbase do të duhej ata të tregonin, por sa i përket cështjeve kryesore për temat dhe diskutimin si ka shkuar absolutisht s’janë të painformuar”, është shprehur Kurti, njofton KosovaNews.
Lexo edhe:
