Kryeministri Albin Kurti ka thënë se sot do të ketë një takim me ambasadorët e akredituar në Kosovë dhe mandej edhe me emisarin Miroslav Lajçak.
Ai bëri këtë njoftim në një deklaratë të shkurtër për media pas lasimit të platformës për punësimin e të rinjve.
Kurti tha se në orën 11:00 do të ketë takim me ambasadoret e vendeve te Quint-it dhe me pastaj në ora 12 e 30 drekën me emisarin MIroslav Lajçak.
I dërguari i posaçëm i Bashkimit Evropian për dialogun mes Kosovës dhe Serbisë, Miroslav Lajçak, sot do të qëndrojë në Kosovë.
Pritet që pas Prishtinës, Lajçak të shkojë edhe në Beograd, ku do të zhvillojë takim edhe me drejtues të shtetit serb.
Dialogu Kosovë-Serbi mbetet një nga preokupimet kryesore të BE-së për rajonin e Ballkanit Perëndimor.
Së fundmi, komuniteti ndërkombëtar është duke i kërkuar Qeverisë së Kosovës që ta themelojë Asociacionin e Komunave me Shumicë Serbe si kusht për ta trasuar rrugën për një dialog të mirëfilltë me Serbinë.
Mirëpo, një gjë të tillë po e refuzon kryeministri Albin Kurti, duke thënë se komuniteti serb në Kosovë ka të drejta më shumë se çdo minoritet në cilin do vend të Evropës.
