Kryetari i LDK-së Lumir Abdixhiku kohëve të fundit është bërë kritik i ashpër ndaj qeverisë Kurti duke e lënë fajtore qeverinë për grevat në arsim të organizuara nga SBASHK-u.
Abdixhiku në parlament dhe në media vazhdimisht po u del në mbrojtje arsimtarëve dhe sindikatave edhe pse jo më larg se para tri viteve i quante sindikata parapolitike të kapura nga PDK-ja.
Madje në një opinion të publikuar në të përditshmen Koha Ditore Abdixhiku ishte treguar shumë i ashpër edhe ndaj gjithë sistemit arsimor në vend duke i përmbledhur në kolumnen e tij të gjithë profesorët, arsimtarët , edukatorët në një “llum” të paditurish e duke i etiketuar si “një fabrikë e paditurisë”.
“Individë të paditur, nga kompleksiteti i përjetshëm i të qenit inferiorë, kishin vendosur një ditë të kapnin dijen me gjoks. Donin prestigj, autoritet e respekt; donin, të shkretët, siç ua merr mendja, të kapnin atë çfarë s’kapet pa mund e pa mend. Filluan me universitet e vazhduan me të mesme, me fillore e parashkollorë. Të paditurit u bënë profesorë, arsimtarë e mësues, u bënë edukatorë. Dhe kështu nisën fabrikën e paditurisë” shkruante dikur Abdixhiku.
Kryetari i LDK-së në kolumnën e tij kishte përshkruar në mënyrë të hollësishme dhe kronologjike gjithë degradimin e sistemit arsimor në vend duke thënë se një llum i tërë ka kapur një fabrikë dijeje, për ta transformuar në fabrikë paditurie.
“Dhe sot 16 vjet më pas, kur shikon në retrospektivë, kupton dhe nivelin e tmerrshëm e të frikshëm të një sistemi të presupozuar për të dhënë dije. Si i tillë, ky sistem pra, ka gjasën e një topi bore në ferr për të prodhuar dije – dhe përfundimisht rimëkëmbje mbi dije. E nuk po flas vetëm për arsimimin e lartë (aty vetëm se kulmon padituria), po flas nga klasa e parë – deri tek e fundja; po flas për të gjithë. Një llum i tërë ka kapur një fabrikë dijeje, për ta transformuar në fabrikë paditurie” shkruante Abdixhiku në kolumnen e tij të botuar në Kohën Ditore në vitin 2015
Madje këtë shkrim, në atë kohë Abdixhiku e kishte shpërndarë edhe në rrjetin social Facebook.
Athua a meritojnë rritje të pagave këta punëtorë të arsimit që sipas Abdixhikut janë transformuar në një fabrikë të paditurish që prodhojnë analfabet, apo sot këta janë një fabrikë votash dhe duhet të trajtohen me dinjitet ashtu siç po i trajton kryetari i tanishëm i LDK-së…?
Më poshtë gjeni shkrimin e plotë të Lumir Abdixhikut, të publikuar më datë 15 Qershor 2015, në Koha.net:
