Pjesëtarë të shoqërisë civile, zyrtarë qeveritarë, liderë të partive politike dhe diplomatë do të marrin pjesë sot në diskutimin e organizuar nga Ambasada amerikane në Prishtinë lidhur me Asociacionin e komunave me shumicë serbe.
Pjesëmarrjen në të e kanë konfirmuar përfaqësuesit e Kryeministrisë dhe Presidencës, por edhe të dy partive opozitare në Kosovë, Lidhjes Demokratike të Kosovës dhe Partisë Demokratike të Kosovës.
Ambasada Amerikane ka publikuar pamjet ku do të mbahet takimi për Asociacionin, ndërsa përmes një postimi në Twitter tha se pret të dëgjojë “opinione të menduara mirë”.
“Sot në mëngjes, Ambasada e SHBA-së në Pristinë do të thërrasë një takim për Asociacionin e Komunave me shumicë serbe (ASM) në Kosovë. Mezi presim të dëgjojmë mendimet nga një grup i larmishëm drejtuesish të shoqërisë civile, zyrtarë qeveritarë dhe udhëheqës politikë” thuhet në njoftimin e Ambasadës Amerikane.
This morning, U.S. Embassy Pristina will convene a meeting on the Association of Serb-majority Municipalities (ASM) in Kosovo. We’re looking forward to hearing thoughtful perspectives from a diverse group of civil society leaders, government officials, and political leaders. pic.twitter.com/SMsMaV4gCu
— U.S. Embassy Pristina (@USEmbPristina) January 31, 2023
