Votimi i Projektligjit për Zyrtarët Publikë, në seancën e së premtes u bë dy herë.
Kjo për shkak se deputetit të Lëvizjes Vetëvendosje, Gazmend Gjyshinca, në votimin e parë, filloi t’i rrjedh gjak nga hunda.
Gjyshinca, i cili shkoi në tualet për ta pastruar hundën, u bë shkak që projektligji në fjalë, në herën e parë të mos kalojë duke i marrë kështu vetëm 60 vota nga deputetët që ishin prezentë.
Kur projektligji u hodh në votim për herë të dytë nga kryeparlamentari Glauk Konjufca, edhe pse në moment të fundit deputeti Gjyshinca arriti të mbërrijë në sallë, teksa u kap nga kamera e KosovaNews-it duke e ngritur njërën dorë për të votuar, ndërsa me dorën tjetër duke e mbajtur pallomë në hundë.
Ndryshe, Projektligji për Zyrtarët Publikë, është miratuar në parim në seancën e së premtes në Kuvendin e Kosovës, duke marrë kështu 61 vota pro nga deputetët e Kuvendit.
