Ad image

Abdixhiku: Vota pro Kosovës e EPP-së dëshmi e përkushtimit ndaj vendit tonë

Kosova News
Kosova News 16:14 -01/06/2022

Kryetari i Lidhjes Demokratike të Kosovës (LDK), Lumir Abdixhiku, në Kongresin e EPP-së, që po mbahet në Rotterdam, ka falendëruar të gjithë ata anëtarë që votuan pro rezolutës në mbështetje të liberalizimit të vizave për Kosovën.

“EPP në mbështetje të Kosovës. Në ditën e dytë të Kongresit të EPP, me sponzorizimin e partisë më të madhe austriake, Die Volkspartei (ÖVP) partisë së kancelarit austriak, Karl Nehammer, u votua rezoluta në mbështetje të liberalizimit të vizave të Kosovës”, ka shkruar Abdixhiku në “Facebook”.

Sipas tij me votat dërmuese të delegatëve të EPP, dhe me miratimin edhe të partive tona simotra që nuk e kanë njohur pavarësinë e Kosovës, rezoluta bën thirrje për mbështetjen e shtetit tonë dhe qytetarëve tanë në këtë të drejtë bazike dhe tashmë të vonuar.

“Falënderoj Partinë Popullore të Austrisë (ÖVP), në veçanti Sekretaren për Marrëdhënie me Jashtë, Monika Reiner dhe eurodeputetin Lukas Mandl për sponsorizimin e kësaj rezolute dhe përkushtimin e vazhdueshëm që tregojnë për Kosovën. Falënderoj po ashtu dhe Sekretarin për Marrëdhënie me Jashtë të EPP-së, Patrick Voller në sigurimin e mbështetjes së nevojshme. Faleminderit gjithë ekipit të LDK të angazhuar në këtë proces”, tha ai.

Ndryshe EPP-s është grupacioni më i madh politik në Evropë. /RTK/

TAGGED: , , ,
Shpërndaje