Ish-anëtari i LDK-së, Faton Bislimi sot ka dhënë dorëheqje nga kryesia e LDK-së. Bislimi ka thënë se dorëheqja është si pasojë e “një injorimi të paarsyeshëm, personalizimi të skajshëm dhe përpjekjeve perfide për sforcim të pozitës personale e jo të partisë, kryesisht nga kreu i partisë”.
Lidhur me këtë, kryetari i Lidhjes Demokratike të Kosovës, Lumir Abdixhiku është pyetur se nëse ka mospajtime brenda partisë.
Abdixhiku ka thënë se s’ka mospajtime në LDK, derisa thotë se dorëheqjet që ndodhin në ditën kur shpallen zgjedhjet janë të pakuptimta pasi që edhe Kryesia është në dorëheqje e sipër.
“Dorëheqjet në ditën kur shpallen zgjedhjet janë të pakuptimta, sepse edhe kryesia janë në dorëheqje e sipër. Falendëroj të gjithë ata që kanë kontribuar për LDK-në edhe ata që s’kanë kontribouar. E rëndësishme është rruga që kemi përpara”, ka thënë Abdixhiku.
