Policia e Kosovës ka njoftuar se në Leposaviq ka ndaluar dy persona tek të cilët, ndër të tjera, janë gjetur e konfiskuar edhe dy emblema të ushtrisë serb e një bluzë më mbishkrimin Wagner.
Rasti është duke u trajtuar si nxitje e urrejtjes, përçarjes e mosdurimit kombëtar. Dy të dyshuarit thuhet se pas intervistimit janë liruar në procedurë të rregullt.
“Leposaviq 31.10.2023 – 13:10. Policia ka ndaluar të dyshuarin mashkull kosovar, shtetas i Serbisë duke drejtuar automjetin e tij ku gjatë kontrollit i janë gjetur dhe konfiskuar: një boks hekuri, dy emblema të ushtrisë serbe dhe një shkop bejsbolli, ndërsa te pasagjeri mashkull serb kosovar, është vërejtur një maicë me mbishkrim të shkronjës ,, Z’’ ndërsa nga mbrapa –shpinë me mbishkrim e grupit Wagner. Të njëjtit janë intervistuar dhe me vendim të prokurorit janë liruar në procedurë të rregullt hetimore”, thuhet në raportin e Policisë.
