Policia e Kosovës ka njoftuar se dy persona të shpallur më herët në kërkim janë dorëzuar në Drejtorinë Rajonale të Pejës, ndërsa një person tjetër vazhdon të kërkohet.
Sipas njoftimit zyrtar, Ismet (Rexhep) Kelmendi, i lindur më 09.09.2005, dhe Premton (Megjid) Berisha, i lindur më 11.09.2005, nuk figurojnë më si të kërkuar pasi janë paraqitur vetë në polici.
Ndërkohë, Valtrim (Shefqet) Kelmendi, i lindur më 28.02.2005, mbetet në kërkim. Ai dyshohet për disa vepra penale, përfshirë mbajtje të paautorizuar të armëve, lëndim të lehtë trupor dhe kanosje.
Policia u bën thirrje qytetarëve që të raportojnë çdo informacion në numrat 192, 0800 19999 (pa pagesë), 039 432 327, ose përmes emailit zyrtar: [email protected]
