Policia e Kosovës ka kërkuar ndihmën e qytetarëve për identifikim të një personi të dyshuar për një rast të vjedhjes grabitqare që thuhet se ka ndodhur në Prishtinë.
Në një njoftim të publikuar në Facebook, Policia ka publikuar disa fotografi të të dyshuarit.
“Sektori hetimeve të Kryeqytetit, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi”, thuhet në njoftim.
Në njoftim kërkohet që kushdo që ka ndonjë informatë që mund të çojë në identifikimin e personit apo vendndodhjes së tij, ta kontaktojë Policinë.
