Policia e Kosovës ka dhënë detaje rreth ndalimit të kreut të Federatës së Futbollit të Kosovës (FFK), Agim Ademi, ku thuhet se i njëjti dyshohet se ka keqpërdorur buxhetin e FFK-së.
Përmes raportit 24 orësh, Policia bën të ditur se Ademi dyshohet për “Keqpërdorim të besimit” dhe “Shmangie nga tatimi”.
“Është arrestuar i dyshuari mashkull kosovar, nën dyshimin se i njëjti ka kryer veprat e cekura duke keqpërdorur buxhetin e FFK-së. Me vendim të prokurorit, i dyshuari pas intervistimit është dërguar në mbajtje”, thuhet në njoftim.
Bëhet e ditur se rasti është në proces hetimor.
