Policia e Kosovës ka dhënë detaje lidhur me rastin e zjarrit në objektin e Institutit të Mejkësisë Ligjore (IML), ku thuhet se nuk raportohet për të lënduar.
Në raportin 24 orësh të Policisë, thuhet se rasti ka ndodhur mbrëmë, rreth orës 20:20.
“Është raportuar se është përfshi nga zjarri objekti i Institutit të Mjekësisë Ligjore. Njësit policore si dhe zjarrfikësit kanë dal në vendin e ngjarjes dhe kanë lokalizuar zjarrin. Nuk raportohet për të lënduar”, thuhet në njoftim
Bëhet e ditur se rasti është nën hetime.
Ndryshe, Ministria e Drejtësisë mbrëmë konfirmoi rastin e zjarrit në ndërtesën e IML-së.
“Në orët e mbrëmjes, jemi njoftuar që në ndërtesën e Institutit të Mjeksësisë Ligjore, ka shpërthyer një zjarr. Të menjëhershme kanë qenë intervenimet e zjarrëfikësve. Policia është në vendin e ngjarjes po ashtu edhe zv. Ministri, Blerim Sallahu”, thuhej në njoftim.
Sipas MD-së, bazuar në informacionet e para nga vendi i ngjarjes, nuk ka dëme që janë shkaktuar nga zjarri.
“Personat përgjegjës tashmë po merren me shkaqet e shpërthimit të zjarrit”, thuhej nga MD.
