Policia e Kosovës po vazhdon angazhimin e saj në luftimin e paligjshmërisë dhe kontrabandës.
Policia përmes një njoftimi ka bërë të ditur se në brezin kufitar me Serbinë, në fshatin Muqibabë kanë identifikuar automjetin Renault (furgon) ngjyrë e bardhë me targa serbe, i cili dyshohet se ishte duke hyrë ilegalisht përmes rrugëve malore nga Serbia në territorin e Kosovës.
Sipas, Policisë i dyshuari ka tentuar të ikë, por, i njëjti është arrestuar.
“I dyshuari mashkull ka tentuar t’i shmanget ndalimit nga autoritetet duke hyrë në një rrugë malore dhe ka braktisë automjetin për të ikur, por pas angazhimeve operative i njëjti është arrit të ndalohet nga policia”, thuhet në njoftim.
Policia ka bërë të ditur se çfarë ka gjetur gjatë kontrollit në automjet.
“Birra ”Zajeqarsko“ (34) arka, “Heineken” (4) arka, “Tuborg” (11) arka, “Pills” (7) arka, Gjithsej (1120) shishe dhe ujë mineral “bivoda” (9) arka, për të cilin mall i dyshuari nuk kishte asnjë dokument.
Lidhur me rastin të gjitha veprimet janë ndërmarrë në bashkëpunim me Prokurorinë e Shtetit, ku me urdhër të prokurorit kompetent në Gjilan, malli dërgohet në terminalin doganë për proceduar të mëtejme ligjore
