Policia e Kosovës ka arrestuar një shtetas të Shqipërisë në Prishtinë, pasi që i njëjti dyshohet se kishte kërcënuar me vrasje një person.
Sipas raportit 24-orësh të PK-së, rasti ka ndodhur ditën e diel në lagjen Arbëri.
“Më 18.02.2024 është arrestuar i dyshuari shtetas i Shqipërisë për arsye se i njëjti përmes telefonit kishte kanosur me vrasje viktimën mashkull kosovar”, thuhet në raport.
I dyshuari pas intervistimit me vendim të prokurorit është dërguar në mbajtje.
