Policia e Kosovës njofton se është arrestuar një person nën dyshimin se i shkoi dy ditë me radhë ankuesit në vendin e punës dhe duke e kërcënuar e detyroi t’i jepte para.
Në raportin 24 orësh të Policisë, thuhet se rasti kishte ndodhur më 5 dhe 6 janar, në Shkabaj të Prishtinës.
Rasti është iniciuar si “Kanosje” dhe “Detyrim”.
“Ankuesi mashkull kosovar ka raportuar se me datën 05.01.2024 deri sa ishte në vendin e tij të punës, i dyshuari mashkull kosovar duke e kërcënuar e ka detyruar ti jep para nga pazari. Gjithashtu edhe sot më datën 06.01.2024 i njëjti ka shkuar në atë lokacion duke e kanosur në vendin e punës. Lidhur me rastin i dyshuari është arrestuar dhe pas intervistimit me vendim të prokurorit është dërguar në mbajtje”, thuhet në njoftim.
