Policia ka bërë të ditur se gjatë një pike kontrolle në Ferizaj, kanë ndaluar për kontroll një veturë, në të cilin ishin dy persona dhe ku është gjetur substancë e dyshuar narkotike të llojit marihuanë.
Ndërkaq, policia ka bërë të ditur se më pas është kontrolluar edhe shtëpia e njërit prej të dyshuarve, ku gjithashtu janë gjetur substanca narkotike dhe me ç’rast i dyshuari është arrestuar.
“Me vendim të prokurorit është kontrolluar shtëpia e njërit nga të dyshuarit ku gjatë kontrollit janë gjetur dhe sekuestruar një qese najloni me substancë të dyshuar narkotike e llojit marihuanë me peshë rreth 31.2 gramë, një qese najloni me substancë të dyshuar narkotike të llojit kokainë me peshë rreth 5.6 gramë, substancë e dyshuar narkotike e llojit marihuanë me peshë rreth 13.4 gramë, qese najloni të zbrazëta për përdorim të mbështjelljes së Marihuanës, një peshore digjitale, dy mullinj për bluarjen e Marihuanës, si dhe një telefon celularë”.
“Me vendim të prokurorit njëri nga të dyshuarit është arrestuar dhe pas intervistimit është dërguar në mbajtje”, thuhet në raportin e policisë.
